ডিব্ৰুগড়ত প্রধানমন্ত্রীৰ ডিজিটেল ইণ্ডিয়াক শক্তিশালীৰ লক্ষ্যৰে প্ৰধান ডাকঘৰত স্পীড পোষ্টৰ বাবে স্বয়ংক্ৰিয় মেচিনৰ শুভাৰম্ভ

এম হাছিম আলী, ষ্টাফ ৰিপ’ৰ্টাৰ, ডিব্ৰুগড়, ৯ জুলাইঃ
ডিব্ৰুগড়ৰ প্ৰধান ডাকঘৰত স্পীড পোষ্টৰ বাবে স্বয়ংক্ৰিয় আৰ্টিকেল বুকিং মেচিনৰ শুভাৰম্ভ কৰা হয়। প্ৰধান ডাকঘৰত আনুষ্ঠানিকভাৱে এই স্বয়ংক্ৰিয় আৰ্টিকেল বুকিং মেচিন স্থাপন কৰি জনসাধাৰণৰ বাবে মুকলি কৰি দিয়া হয়। এই মেচিনৰ জৰিয়তে গ্ৰাহকে কোনো কাউণ্টাৰত দীঘলীয়া শাৰী পাতি অপেক্ষা নকৰাকৈ নিজেই তেওঁলোকৰ পাৰ্সেল তথা অন্যান্য ডাক সামগ্ৰী সহজে বুকিং কৰিব পাৰিব।দেশৰ প্ৰধানমন্ত্ৰী নৰেন্দ্ৰ মোদীৰ ডিজিটেল ইণ্ডিয়া অভিযানক অধিক শক্তিশালী কৰাৰ লক্ষ্যৰে ভাৰত চৰকাৰ আৰু ভাৰতীয় ডাক বিভাগে দেশজুৰি আধুনিক সেৱা সম্প্ৰসাৰণ কৰি আছে। তাৰেই অংশ হিচাপে ডিব্ৰুগড়ৰ প্ৰধান ডাকঘৰত এই অত্যাধুনিক ব্যৱস্থাৰ শুভাৰম্ভ কৰা বুলি জনায় প্ৰধান ডাকঘৰৰ অধীক্ষক হীৰেন কুমাৰ গগৈয়ে। তেওঁ কয় যে,উজনি অসমত ডিব্ৰুগড়ৰ প্ৰধান ডাকঘৰেই প্ৰথম এই সুবিধা লাভ কৰিছে। গুৱাহাটীৰ পিছতেই ডিব্ৰুগড়ত এই মেচিন স্থাপন কৰা হৈছে আৰু ইয়াৰ পিছত কাছাৰতো একে ধৰণৰ ব্যৱস্থা কৰা হৈছে। এই মেচিনৰ জৰিয়তে পাৰ্সেল আৰু অন্যান্য ডাক সামগ্ৰী বুকিং কৰিব পৰা যাব। গ্ৰাহকে নিজেই ডিজিটেল প্ৰক্ৰিয়াটো সম্পূৰ্ণ কৰিব পাৰিব, ফলত সময় ৰাহি হোৱাৰ লগতে ডাকঘৰৰ সেৱা অধিক স্বচ্ছ, দ্ৰুত আৰু ডিজিটেলভাৱে উপলব্ধ হ’ব।অৱশ্যে মেচিনটোৰ জৰিয়তে বুকিং কৰিবলৈ সামগ্ৰীৰ ওজন আৰু আকাৰ নিৰ্ধাৰিত সীমাৰ ভিতৰত থাকিব লাগিব। সামগ্ৰীটো মেচিনৰ নিৰ্দিষ্ট খোলা অংশত সহজে সোমাব পৰিলেহে বুকিং সম্ভৱ হ’ব। ডাক বিভাগে জনসাধাৰণক এই নতুন ডিজিটেল সুবিধাৰ পূৰ্ণ সদ্ব্যৱহাৰ কৰিবলৈ আহ্বান জনাইছে। শুভাৰম্ভ অনুষ্ঠানত পোষ্ট মাষ্টাৰ বিপুল ঠাকুৰীয়াকে প্ৰমুখ্য কৰি বিষয়া কৰ্মচাৰী সকল উপস্থিত থাকে।

Hot this week

ৰাজশ্ৰী সেনাপতি গগৈ জুবিন গাৰ্গৰ ওপৰত লিখা লিখনি ইটালীৰ Cavaliere News-ত প্ৰকাশ

ডিব্ৰুগড় বিশ্ববিদ্যালয়ৰ কৰ্মচাৰী তথা IFCH আৰু Chinmaya Foundation ৰ...

ডিব্ৰুগড়ৰ ডি.ডি.আৰ. কলেজৰ ৰাজনীতি বিজ্ঞানৰ ছাত্ৰ-ছাত্ৰীৰ ‘চেতনা সম্ভাৰ’ উন্মোচন

ষ্টাফ ৰিপ'ৰ্টাৰ ডিব্ৰুগড়, ৮ নৱেম্বৰ: ডিব্ৰুগডৰ চাবুৱাত থকা ডি....

Topics

ৰাজশ্ৰী সেনাপতি গগৈ জুবিন গাৰ্গৰ ওপৰত লিখা লিখনি ইটালীৰ Cavaliere News-ত প্ৰকাশ

ডিব্ৰুগড় বিশ্ববিদ্যালয়ৰ কৰ্মচাৰী তথা IFCH আৰু Chinmaya Foundation ৰ...
spot_img

Related Articles

Popular Categories