প্ৰতিৰক্ষাত আন এক ন সংযোজনঃ নৌসেনাত অন্তর্ভুক্ত যুদ্ধজাহাজ ‘আই এন এছ মহেন্দ্ৰগিৰি’

বিশাখাপট্টনম, ১১ জুলাইঃ ভাৰতীয় নৌসেনাই আৰু এক গুৰুত্বপূৰ্ণ মাইলফলক অর্জন কৰিলে। শনিবাৰে থলুৱাভাৱে নির্মিত অত্যাধুনিক যুদ্ধজাহাজ ‘আইএনএছ মহেন্দ্ৰগিৰি’ আনুষ্ঠানিকভাৱে নৌসেনাত অন্তর্ভুক্ত কৰা হয়। কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে অন্ধ্ৰপ্ৰদেশৰ বিশাখাপট্টনমত অনুষ্ঠিত এক বিশেষ অনুষ্ঠানত এই যুদ্ধজাহাজখন নৌসেনাক অৰ্পণ কৰে ৷ আইএনএছ মহেন্দ্ৰগিৰি হৈছে প্রজেক্ট ১৭-এৰ অধীনত নির্মিত নীলগিৰি শ্ৰেণীৰ ষষ্ঠখন ষ্টেলথ ফ্রিগেট। ভাৰতীয় নৌসেনাৰ যুদ্ধজাহাজ ডিজাইন ব্যুৰ’ৰ দ্বাৰা ডিজাইন কৰা আৰু মুম্বাইস্থিত মাজাগন ডক শিপবিল্ডার্ছ লিমিটেডে নিৰ্মাণ কৰা এই জাহাজখনে দেশৰ জাহাজ নির্মাণ ক্ষেত্ৰত ক্রমবর্ধমান দক্ষতা আৰু প্ৰযুক্তিগত সামর্থ্যৰ প্ৰতিফলন ঘটাইছে। বিশেষজ্ঞসকলৰ মতে, এই যুদ্ধজাহাজখনে ভাৰতক সামুদ্রিক শক্তি হিচাপে অধিক দৃঢ় কৰি তুলিব।

নৌসেনাৰ তথ্য অনুসৰি, এই যুদ্ধজাহাজখন ৭৫ শতাংশতকৈ অধিক থলুৱা সামগ্ৰীৰে নিৰ্মিত। ই ভাৰত চৰকাৰৰ ‘আত্মনিৰ্ভৰ ভাৰত’ উদ্যোগৰ এক উল্লেখযোগ্য সফলতা হিচাপে বিবেচিত হৈছে। ইয়াৰ জৰিয়তে দেশীয় উদ্যোগসমূহক উৎসাহিত কৰাৰ লগতে প্ৰতিৰক্ষা খণ্ডত স্বনিৰ্ভৰতা বৃদ্ধি পোৱা দেখা গৈছে। এই প্ৰকল্পত বহু ক্ষুদ্ৰ আৰু মজলীয়া উদ্যোগ জড়িত আছিল, যাৰ ফলত দেশত কর্মসংস্থাপনৰ সুযোগো বৃদ্ধি পাইছে। এই প্রচেষ্টাই ভাৰতৰ জাহাজ নির্মাণ পৰিৱেশতন্ত্ৰকো অধিক শক্তিশালী কৰি তুলিছে বুলি কৰ্তৃপক্ষই উল্লেখ কৰিছে। আইএনএছ মহেন্দ্ৰগিৰি এখন অত্যাধুনিক যুদ্ধজাহাজ, য’ত উন্নত অস্ত্ৰ-প্ৰণালী, চেন্সৰ আৰু ইলেক্ট্রনিক যুদ্ধ ব্যৱস্থা সংযোজিত কৰা হৈছে। ই বিশেষকৈ ছাবমেৰিণ বিৰোধী অভিযানত গুৰুত্বপূৰ্ণ ভূমিকা পালন কৰিবলৈ সক্ষম।

ভাৰতীয় নৌসেনাৰ যুদ্ধজাহাজ ডিজাইন ব্যুৰ’ৰ দ্বাৰা ডিজাইন কৰা আৰু মুম্বাইস্থিত মাজাগন ডক শিপবিল্ডার্ছ লিমিটেডে নিৰ্মাণ কৰা এই জাহাজখনে দেশৰ জাহাজ নির্মাণ ক্ষেত্ৰত ক্রমবর্ধমান দক্ষতা আৰু প্ৰযুক্তিগত সামর্থ্যৰ প্ৰতিফলন ঘটাইছে।

তাৰ উপৰি সামুদ্রিক সুৰক্ষা অভিযান, অনুসন্ধান আৰু উদ্ধাৰ অভিযান, মানৱীয় সহায় আৰু দুৰ্যোগ ব্যৱস্থাপনা কার্যত এই জাহাজখনে বিশেষ দক্ষতা প্রদর্শন কৰিব। এই উপলক্ষে কেন্দ্ৰীয় মন্ত্ৰী ৰাজনাথ সিঙে এইটো ভাৰতীয় নৌসেনাৰ বাবে এক গৌৰৱময় মুহূৰ্ত বুলি উল্লেখ কৰে। তেওঁ কয় যে, এই ধৰণৰ অত্যাধুনিক যুদ্ধজাহাজ অন্তর্ভুক্ত হোৱাত ভাৰত মহাসাগৰীয় অঞ্চলত দেশৰ নিৰাপত্তা আৰু প্ৰভাৱ দুয়ো বৃদ্ধি পাব। সামগ্রিকভাৱে, আইএনএছ মহেন্দ্ৰগিৰিৰ অন্তৰ্ভুক্তিয়ে ভাৰতীয় নৌসেনাক নতুন শক্তি প্ৰদান কৰাৰ লগতে দেশৰ প্ৰতিৰক্ষা খণ্ডত আত্মনিৰ্ভৰতা আৰু প্ৰযুক্তিগত উন্নয়নৰ এক উজ্জ্বল নিদর্শন হিচাপে পৰিগণিত হৈছে।

Hot this week

ৰাজশ্ৰী সেনাপতি গগৈ জুবিন গাৰ্গৰ ওপৰত লিখা লিখনি ইটালীৰ Cavaliere News-ত প্ৰকাশ

ডিব্ৰুগড় বিশ্ববিদ্যালয়ৰ কৰ্মচাৰী তথা IFCH আৰু Chinmaya Foundation ৰ...

ডিব্ৰুগড়ৰ ডি.ডি.আৰ. কলেজৰ ৰাজনীতি বিজ্ঞানৰ ছাত্ৰ-ছাত্ৰীৰ ‘চেতনা সম্ভাৰ’ উন্মোচন

ষ্টাফ ৰিপ'ৰ্টাৰ ডিব্ৰুগড়, ৮ নৱেম্বৰ: ডিব্ৰুগডৰ চাবুৱাত থকা ডি....

Topics

ৰাজশ্ৰী সেনাপতি গগৈ জুবিন গাৰ্গৰ ওপৰত লিখা লিখনি ইটালীৰ Cavaliere News-ত প্ৰকাশ

ডিব্ৰুগড় বিশ্ববিদ্যালয়ৰ কৰ্মচাৰী তথা IFCH আৰু Chinmaya Foundation ৰ...
spot_img

Related Articles

Popular Categories